'సర్కారు వారి పాట' నుంచి మురారి వా.. వీడియో సాంగ్ రిలీజ్
సూపర్ స్టార్ మహేష్ బాబు హీరోగా నటించిన సర్కారు వారి పాట సినిమా థియేటర్లలో విజయవంతంగా దూసుకుపోతోంది. ఇప్పటికీ మంచి కలెక్షన్లతో ఉర్రూతలూగిస్తున్న ఈ సినిమాకు మరింతగా ప్రేక్షకులను ఆకట్టుకునేందుకు చిత్ర యూనిట్ మరో సర్ ప్రైజ్ గిఫ్ట్ ఇచ్చింది. సినిమాలో ఉపయోగించని మురారీ వా అనే ప్రత్యేక గీతాన్ని కూడా జత చేసింది.
ఈ పాటలో సూపర్ స్టార్ మహేష్ బాబు, హీరోయిన్ కీర్తి సురేష్ సూపర్ గా డాన్స్ చేశారు. చిత్రీకరణ కూడా అదిరిపోయింది. అలాగే హీరో హీరోయిన్లు వేసుకున్న కాస్టూమ్స్ ఆకట్టుకునేలా ఉన్నాయి. నిజానికి ఈ పాటనే సినిమాలో ఉపయోగించాలని చిత్ర నిర్మాతలు, దర్శకుడు తొలుత డిసైడ్ అయ్యారు. ఐతే మెలోడీ సాంగ్ కంటే కాస్త బీట్ ఉన్న పాట అయితే బాగుంటుందని భావించి.. ఈ గీతాన్ని పక్కకు పెట్టేశారు. ఈ పాట స్థానంలో మ...మ.. మ.. మ..మహేశా పాటను రూపొందించారు. ప్రస్తుతం అదే సినిమాలో ఉంది. మ..మ...మహేశా సాంగ్ ఎంత పెద్ద హిట్ అయిందో అందరికీ తెలిసిందే. ఇప్పుడు తాజాగా విడుదల చేసిన మురారీ.. వా పాట కూడా చాలా బాగుంది. ఈ మెలోడీ గీతాన్ని ప్రఖ్యాత రచయిత అనంత శ్రీరామ్ రచించారు. శ్రీకృష్ణ, శ్రుతి రంజని, ఎంఎల్ గాయత్రి ఆలపించారు. ఇంకెందుకు ఆలస్యం ఆ పాటను మీరూ చూసేయండి.